Stihl RM 253.0 T (INT1) [304/358] Magazinimi në kohët e gjata të mospërdorimit
Макгруп McGrp.ru
Задайте вопрос
Зарегистрироваться

Stihl RM 253.0 T (INT1) [304/358] Magazinimi në kohët e gjata të mospërdorimit

Stihl RM 253.0 T (INT1) [304/358] Magazinimi në kohët e gjata të mospërdorimit
0478 111 9839 B - SQ
302
Lëreni pajisjen të ftohet, veçanërisht
përpara se të punoni në zonën e motorit
me djegie të brendshme, të tubit të
shkarkimit dhe të marmitës. Aty mund të
arrihen temperatura 80°C dhe më të larta.
Rrezik djegieje!
Kontakti direkt me vajin e motorit mund të
jetë i rrezikshëm; gjithashtu vaji i motorit
nuk duhet derdhur në tokë.
STIHL rekomandon që mbushjen me vaj
motori ose ndërrimin e vajit të motorit ta
bëni te shitësi i specializuar i STIHL.
Pastrimi:
Pas përdorimit për punë e gjithë pajisja
duhet pastruar me kujdes. (Ö 11.2)
Hiqni me një shkop mbetjet e barit të
ngecura poshtë. Pastrojeni pjesën e
poshtme të korrëses me një furçë dhe me
ujë.
Përpara vendosjes në pozicion pastrimi,
zbrazni rezervuarin e karburantit (p.sh.
duke e lënë në punë bosh).
Asnjëherë mos përdorni një pastrues me
presion të lartë dhe mos e lani pajisjen me
ujë të rrjedhshëm (p.sh. me një zorrë uji në
kopsht).
Mos përdorni materiale pastrimi gërryese.
Këto mund të dëmtojnë pjesët plastike dhe
metalike, gjë e cila mund të ndikojë në
përdorimin e sigurt të pajisjes suaj STIHL.
Për të evituar rrezikun e zjarrit, zona e
vrimave të ftohjes, brinjët ftohëse dhe
zona e shkarkimit të gazeve duhet të
mbahet e lirë, p.sh. nga bari, kashta,
myshku, gjethet ose nga vajrat që
shfaqen.
Punët e mirëmbajtjes:
Lejohet që në pajisje të kryhet vetëm ato
punë mirëmbajtjeje që përshkruhen në
këto udhëzime përdorimi, dhe të gjitha
punët e tjera duhet të kryhen nga një
shitës i specializuar.
Nëse ju mungojnë mjetet ndihmëse dhe
njohuritë e nevojshme, drejtojuni
gjithmonë një shitësi të specializuar.
STIHL rekomandon që punët e
mirëmbajtjes dhe riparimet të kryhen
vetëm nga shitësi i specializuar i STIHL.
Shitësit e specializuar të STIHL trajnohen
rregullisht dhe ata kanë gjithmonë në
dispozicion informacione teknike.
Përdorni vetëm vegla, aksesorë dhe pjesë
shtesë, të cilat lejohen nga STIHL për këtë
pajisje, ose pjesë me karakteristika teknike
identike, sepse përndryshe ekziston
rreziku i aksidenteve me lëndim personi
ose dëmtim të pajisjes. Nëse keni pyetje,
drejtojuni një shitësi të specializuar.
Veglat, aksesorët dhe pjesët origjinale të
këmbimit STIHL janë përshtatur me
karakteristika optimale për pajisjen dhe
për kërkesat e përdoruesit. Pjesa origjinale
e këmbimit STIHL identifikohet nga numri i
pjesës së këmbimit të STIHL, nga shkrimi
STIHL dhe, sipas rastit, edhe nga simboli i
pjesës së këmbimit STIHL. Për pjesët e
vogla, shenja mund të jetë edhe më vete.
Për arsye sigurie, pjesët ku kalon
karburanti (tubacioni i karburantit, rubineti,
rezervuari i karburantit, kapaku i
rezervuarit, pjesët bashkuese etj.) duhen
kontrolluar rregullisht për dëmtime dhe
rrjedhje dhe nëse nevojitet të ndërrohen
nga një specialist (STIHL rekomandon
shitësin e specializuar të STIHL).
Mbajini gjithmonë të pastra dhe të
lexueshme etiketat ngjitëse të
paralajmërimeve dhe këshillave. Etiketat e
dëmtuara ose që kanë humbur duhen
zëvendësuar me etiketa të reja origjinale
nga shitësi i specializuar i STIHL. Nëse një
pjesë përbërëse zëvendësohet me një
pjesë të re, sigurohuni që pjesa e re të ketë
të njëjtën etiketë ngjitëse.
Në njësinë prerëse duhet të punoni vetëm
me doreza pune të trasha dhe duke
ushtruar kujdes maksimal.
Mbajini gjithmonë të shtrënguara fort të
gjitha dadot, bulonat dhe vidat,
veçanërisht vidën e thikës, me qëllim që
pajisja të jetë në gjendje pune të sigurt.
Kontrolloni rregullisht për konsumim dhe
dëmtime të gjithë pajisjen dhe shportën
për mbledhjen e barit, veçanërisht përpara
vendosjes në ruajtje (p.sh. përpara
pushimit dimëror). Për arsye sigurie,
pjesët e konsumuara ose të dëmtuara
duhen ndërruar menjëherë, me qëllim që
pajisja të jetë gjithmonë në gjendje pune të
sigurt.
Asnjëherë mos i ndryshoni parametrat
bazë të motorit me djegie të brendshme
dhe mos i jepni super xhiro.
Nëse për punët e mirëmbajtjes nevojitet
heqja e pjesëve ose e pajisjeve mbrojtëse,
këto duhen rivendosur menjëherë në vend
dhe në mënyrë të saktë.
4.8 Magazinimi në kohët e gjata të
mospërdorimit
Lëreni motorin me djegie të brendshme që
të ftohet përpara se ta vendosni pajisjen
në një hapësirë të mbyllur.
Rrezik lëndimi nga thika korrëse!
Nga tërheqja e litarit të ndezjes,
vegla punuese do të bëjë një lëvizje
rrotulluese. Gjithmonë bëni kujdes
për distancën e mjaftueshme nga
thika korrëse, veçanërisht për duart
dhe këmbët, kur tërhiqni litarin e
ndezjes.

Содержание

Похожие устройства

Скачать